Íspan

Íspan býður viðskiptavinum sínum úrval alls er að gleri og speglum lítur. Ásamt því að framleiða og selja einangrunargler, selur Íspan öll ísetningarefni, svo sem skrúfur, ídráttar-og þéttilista, undirleggsklossa og kítti. Í verksmiðju Íspan eru einnig framleiddar, eftir óskum viðskiptavina; hillur, speglar, borðplötur og margt fleira, auk ýmiskonar sérvinnslu á gleri og speglum, eins og sandblástur, borun og fleira. Hjá Íspan starfa, að jafnaði, um það bil 30 manns í framleiðslu- og söludeild.

Íspan leggur mikinn metnað í þjónustu við viðskiptavini sína. Meðal þjónustuþátta eru t.d. mælingar, tilboðsgerð, heimsendingar, leiga á sogskálum og öðrum búnaði til glerjunar. Íspan selur einnig glerísetningarefni, þéttilista, skrúfur, kítti ofl. Auk þess bjóðum við ýmsar festingar og aukahluti til uppsetninga á gleri og speglum. Við getum útvegað fagmenn til ísetninga og uppsetninga á öllu gleri og speglum. Íspan býður því sérfræðiráðgjöf varðandi allt sem snýr að gleri og glerjun og getur útvegað gríðarlega fjölbreytt úrval glers og spegla, einnig hert gler og öryggisgler, sjá nánar í “vörur” hér á síðunni.

Íspan Framúrskarandi fyrirtæki

Sagan

Þann 14. ágúst 1969 hóf Íspan starfsemi sína í 250 fermetra húsnæði í Skeifunni. Markmið fyrirtækisins var frá fyrsta degi að framleiða hágæða einangrunargler, og var leitast við að búa verksmiðjuna fullkomnustu tækjum sem völ var á. Fyrirtækið dafnaði vel í Skeifunni, og svo vel tóku iðnaðarmenn og húsbyggjendur framleiðslu Íspan að árið 1971, á vormánuðum var hafist handa við byggingu nýs verksmiðjuhúss. í Kópavogi. Að Smiðjuvegi 7 hefur starfsemi fyrirtækisins styrkst, fyrirtækið vaxið og dafnað.

Íspan var lengst af rekið sem fjölskyldufyrirtæki undir stjórn Gríms Guðmundssonar og síðar barna hans; Guðmundar Grímssonar, Finns Grímssonar, Elínar Grímsdóttur og Jóns Elvars Kjartanssonar. Í september 2017 var fyrirtækið selt Austurbergi ehf. en það er í eigu Ingibjargar Björnsdóttur, Birnu Bjarkar Árnadóttur, Auðar Kristínar Árnadóttur og Einars Harðarsonar.

 

Íspan